ब्रेकिंग

क्रीडा

आयुष म्हात्रेकडे भारतीय संघाचे नेतृत्त्व

Wrutuja pandharpure
23 May 2025

मुंबई : भारतीय क्रिकेट नियामक मंडळाने इंग्लंड दौर्‍यासाठी भारतीय एकोणिस वर्षाखालील संघाची घोषणा केली आहे. हा दौरा २४ जून ते २३ जुलै दरम्यान चालेल, ज्यामध्ये भारत आणि इंग्लंड संघाचे १९ वर्षांखालील संघ पाच एकदिवसाचे सामने आणि दोन बहु-दिवसीय सामने खेळतील. या मालिकेचा उद्देश युवा खेळाडूंना आंतरराष्ट्रीय स्तरावर स्वतःला सिद्ध करण्याची संधी देणे आहे.

या संघाचे नेतृत्व मुंबईच्या १७ वर्षांच्या आयुष म्हात्रेकडे सोपवण्यात आले आहे, ज्याने नुकत्याच संपलेल्या आयपीएल २०२५ मध्ये चेन्नई सुपर किंग्जकडून चमकदार कामगिरी केली होती. त्याच्या नेतृत्वाखालील संघाकडून चांगली कामगिरी अपेक्षित आहे. त्याच वेळी, यष्टिरक्षक फलंदाज अभिज्ञान कुंडूला उपकर्णधार म्हणून नियुक्त करण्यात आले आहे. तो संघातील निवडलेल्या दोन यष्टीरक्षकांपैकी एक आहे. आयपीएल २०२५ मध्ये चेन्नई सुपर किंग्जने अचानक आयुष म्हात्रेला संघात समाविष्ट केले होते.

फक्त सहा सामन्यांमध्ये त्याने ३४.३३ च्या सरासरीने आणि १८७.२७ च्या स्ट्राईक रेटने २०६ धावा केल्या. त्याच्या नावावर एक अर्धशतक, २८ चौकार आणि ८ षटकार आहेत. त्याच वेळी, वैभव सूर्यवंशीनेही या हंगामात आपल्या स्फोटक फलंदाजीने सर्वांना आश्चर्यचकित केले. त्याने सात सामन्यांमध्ये ३६ च्या सरासरीने २५२ धावा केल्या, ज्यामध्ये एक शतक आणि एक अर्धशतक समाविष्ट होते. सूर्यवंशीचे ३४ चेंडूत शतक हे कोणत्याही भारतीय खेळाडूने झळकावलेले सर्वात वेगवान शतक ठरले.

म्हात्रे आणि सूर्यवंशी सारख्या खेळाडूंच्या कामगिरीवर सर्वांचे लक्ष असेल. विशेषतः रेड बॉल फॉरमॅटमध्ये, जिथे त्यांच्या कौशल्याची खर्‍या अर्थाने टेस्ट घेतली जाईल. याशिवाय हरवंश सिंग, कनिष्क चौहान, आदित्य राणा आणि अनमोलजीत सिंग हे खेळाडू संघाच्या यशात महत्त्वाची भूमिका बजावू शकतात.

इंग्लंड दौर्‍यासाठी भारतीय अंडर-१९ संघ

आयुष म्हात्रे (कर्णधार), वैभव सूर्यवंशी, विहान मल्होत्रा, मौल्यराजसिंग चावडा, राहुल कुमार, अभिज्ञान कुंडू (उपकर्णधार आणि यष्टिरक्षक), हरवंश सिंग (यष्टीरक्षक), आरएस अम्ब्रिस, कनिष्क चौहान, खिलन पटेल, हेनिल पटेल, युधाजित गुहा, प्रणव राघवेंद्र, मोहम्मद एनान, आदित्य राणा, अनमोलजीत सिंग.

इंग्लंड अंडर-१९ संघाच्या भारत दौर्‍याचे वेळापत्रक

२४ जून (मंगळवार): एकदिवसीय सराव सामना (लॉफबरो विद्यापीठ)

२७ जून (शुक्रवार): पहिला एकदिवसीय सामना (होव्ह)

३० जून (सोमवार): दुसरा एकदिवसीय सामना (नॉर्थम्प्टन)

२ जुलै (बुधवार): तिसरा एकदिवसीय सामना (नॉर्थम्प्टन)

५ जुलै (शनिवार): चौथा एकदिवसीय सामना (वॉर्सेस्टर)

७ जुलै (सोमवार): पाचवा एकदिवसीय सामना (वॉर्सेस्टर)

१२ जुलै (शनिवार) ते १५ जुलै (मंगळवार): पहिला बहु-दिवसीय सामना (बेकनहॅम)

२० जुलै (रविवार) ते २३ जुलै (बुधवार): दुसरा बहु-दिवसीय सामना (चेम्सफोर्ड)